A Deputación da Coruña reforzará en 2024 a súa acción en Intelixencia Artificial e economía circular

20 Novembro 2023

A Deputación da Coruña reforzará en 2024 a súa acción en Intelixencia Artificial, Biotecnoloxía, audiovisual e economía circular, todos eles, en palabras da institución provincial, “ámbitos industriais e estratéxicos para o futuro da provincia”. Así o confirmou a deputada de Emprego e Medio Ambiente, Rosa Ana García, ao remate da reunión que mantivo na sede da institución provincial coa xerente do Clúster Galego de Solucións Ambientais e Economía Circular (Viratec), Ana Botas. Unha xuntanza que serviu para sentar as bases de colaboración entre ambas entidades de cara a unha provincia máis sustentábel e intelixente na xestión de recursos, sinalaron.

“Para a Deputación, constitúe unha prioridade avanzar na economía circular no ámbito provincial, así como na mellora da xestión actual de residuos e na redución da pegada ecolóxica, mediante un uso máis eficiente dos recursos do noso territorio e impulsando e apoiando a posta en marcha de proxectos e estratexias de economía circular no ámbito local”, explicou Rosa Ana García, que destacou que “a experiencia de Viratec neste ámbito é fundamental na busca de solucións ambientais no ámbito local”.

Cometidos de Viratec

O Clúster Galego de Solucións Ambientais e Economía Circular nace coa misión de incrementar a capacidade tecnolóxica, de innovación e a competitividade das empresas galegas que achegan solucións ambientais. Trátase dun “ecosistema de cooperación pública-privada e entre empresas que xera sinerxías entre distintas áreas de coñecemento, promove a I+D+i, mellora a formación e crea oportunidades de internacionalización, para contribuír ao desenvolvemento sustentable da sociedade galega e a preservación do seu medio ambiente, baixo os principios da economía circular”.

A visión do Clúster é a de “ser un referente no desenvolvemento e implantación de tecnoloxías, procesos e solucións ambientais, a nivel local, nacional e internacional”.

As tecnoloxías ambientais son polo tanto unha das grandes prioridades, claves para “a consecución do desenvolvemento sustentábel”. Segundo explican fontes de Viratec, a enxeñería ambiental leva anos axudando a afrontar os problemas ambientais de forma integral, tendo en conta as variábeis sociais, económicas, ecolóxicas e tecnolóxicas”.

Outros artigos

Publicidade

Revista en papel

Opinión

“Compartir el éxito de la empresa”. José Castro López

“Compartir el éxito de la empresa”. José Castro López

Conté en comentarios anteriores la historia del italiano, Enzo Rossi, director de unafábrica de pasta, que en el año 2007 se asignó un sueldo de 1.000 euros al mes paraexperimentar en carne propia si era posible vivir con esa cantidad y comprobar así lascondiciones...

O Barbanza
Resumo de privacidade

Esta web utiliza cookies para que podamos ofrecerche a mellor experiencia de usuario posible. A información das cookies almacénase no teu navegador e realiza funcións tales como recoñecerche cando volves á nosa web ou axudar ao noso equipo para comprender que seccións da web atopas máis interesantes e útiles.