O Concello de Rianxo compartiu a axenda de actividades organizadas para esta semana pola Área de Cultura municipal e, tamén, polas diferentes entidades con actividade no territorio rianxeiro. A axenda inclúe citas tan relevantes como a xornada conmemorativa do 25N (Día Internacional contra a Violencia de Xénero) ou a a representación de Noite de Reis (de William Shakespeare, sobre unha adaptación de Quico Cadaval) e de As paisaxes de Camille (da asociación Ambar do Barbanza), que constitúe unha das máis salientábeis contribucións recentes do teatro galego a prol das mulleres do rural, tomando partido, directamente e sen fisuras, pola loita contra a violencia de xénero no ámbito non urbano.
VENRES 24 DE NOVEMBRO
- 19.00 h. Salón de Actos do Auditorio (Rianxo). Presentación do Glosario Violeta, enmarcado no programa de actividades co gallo do 25N organizado pola Concellaría de Política Social.
- 21.00 h. Sala Arcos Moldes do Auditorio (Rianxo). Teatro, Noite de Reis ou o que queirades a cargo da Escola de Teatro de Narón.
SÁBADO 25 DE NOVEMBRO
- 19.30 h. Sala Arcos Moldes do Auditorio (Rianxo). Teatro, As paisaxes de Camille, producida pola asociación inclusiva Ambar e dirixida por Helena Salgueiro, enmarcado no programa de actividades co gallo do 25N organizado pola Concellaría de Política Social.
- 20.00 h. Saída do Bar Berberecho. Pasabares, para a conmemoración do 30 Aniversario de Buxaina.
DOMINGO 26 DE NOVEMBRO
- 12.30 h. Sala Arcos Moldes do Auditorio (Rianxo). Concerto, Ensemble de clarinetes da Escola de Música de Rianxo, enmarcado no VI Ciclo de Novos Intérpretes.
EXPOSICIÓN:
- Do 17 de novembro ao 12 de decembro. Exposición, Súper Pop obras de María Eugenia Reiriz, organizada pola Asociación Ambar en colaboración co Concello de Rianxo.
