Estamos ás portas da primeira gran borrasca deste longo episodio ciclónico que nos traerá outra gran borrasca a fin de semana coa chegada do ciclón Ciarán.
As imaxes de satélite móstrannos bandas nubradas sobre as que se asenta a borrasca Ciarán. Nestes momentos atópase a un 2.300 qm ao noroeste da península, cunha presión mínima central ao redor dos 990 hPa.
A borrasca vai desprazar a gran velocidade nas próximas horas, situándose este mércores xa ao norte da península.
O xoves situarase ao sur das illas británicas cunha presión mínima central de 950 hPa. É unha presión mínima central moi baixa, que vai provocar un intenso gradiente con ventos tempestuosos.
Prognóstico para o mércores 1 de novembro Todolos Santos
Despois do paso da fronte durante a madrugada, a xornada do mércores será de chuvascos. A partir do mediodía irase achegando unha profunda borrasca que deixará chuvias máis intensas cara á noite. As temperaturas mínimas experimentarán un lixeiro ascenso mentres que as máximas apenas terán cambios. O vento soprará do suroeste, en terra moderado pola mañá, aumentando a forte, con refachos moi fortes co avance da tarde. No mar, ventos fortes aumentando a moi fortes en todo o litoral.
Prognóstico para o xoves 2 de novembro Defuntos
O xoves Galicia queda na influencia dunha profunda borrasca que se situará sobre as Illas Británicas e que deixará unha xornada de ventos e chuvias intensos, con entrada de aire frío. Así, os ceos estarán nubrados, con chuvias ocasionalmente acompañadas de sarabia. A cota de neve situarase arredor dos 1000 metros de altitude, puntualmente máis baixa nas horas centrais do día. As temperaturas sufrirán un moderado descenso. O vento soprará forte de compoñente oeste, con refachos moi fortes na franxa costeira e zonas altas.
O noso mar:
Atención para mércores 01 Temporal no mar na segunda metade do día, con ventos moi fortes e moito mar. Refachos superiores aos 100 km/h en moitas comarcas do litoral e zonas altas do interior.
Atención para xoves 02 Vento forte de compoñente oeste, con refachos moi fortes en toda a franxa costeira e zonas altas. Acumulacións de 5 cm de neve por riba dos 1.000 metros.
Cámaras web da comarca (algunha pode nun funcionar puntualmente)
- Coroso directo _ Santa Uxía de Ribeira
- Praia de Balieiros directo- Corrubedo
- Praia da Ladeira directo- Corrubedo
- Praia das Furnas directo. Porto do Son
- Praia Aguieira directo.Porto do Son
- Portosín. Porto do Son
- Sálvora. Santa Uxía de Ribeira
- Pobra do Caramiñal directo. A Pobra
- Centro Náutico do Freixo
- Praia de Carnota
