Rianxo ultima os detalles dun obradoiro dual de emprego centrado en repoboacións forestais e mellora de montes: Monte Noso

O Concello de Rianxo vén de recibir 398.284,65€ da Consellería de Promoción do Emprego e Igualdade para a posta o funcionamento do obradoiro dual de emprego denominado Monte Noso.

Segundo anunciou o alcalde rianxeiro, Julián Bustelo, este novo obradoiro que permitirá formar a 15 alumnos/as traballadores/as nas especialidades de repoboacións forestais e tratamentos silvícolas, así como en actividades auxiliares de conservación e mellora de montes. A formación práctica desenvolverase en terreos de diferentes comunidades de montes de Rianxo.

Segundo engadiu, prevese que o obradoiro bote a andar a comezos de novembro e en vindeiras datas publicarase a convocatoria de selección do persoal de formación, así como a solicitude de alumnado.