Esta fin de semana a parroquia de Queiruga (Porto do Son) celebra as Festas de Santa Teresa. As actividades concentraranse no sábado 14 e no domingo 15 de outubro e comezarán cunha sesión vermú a partir das 13.00 horas do sábado, a cargo de Martín Raimúndez. O concerto precederá a unha degustación de empenada de balde. Pola noite, a partir das 22.30 horas volverá Martín Raimúndez. A noite rematará con Markos Quintana DJ.
O domingo tamén contará cunha sesión vermú a partir das 13.00 horas, seguida dunha pancetada gratis. Todas as actividades celebraranse na Casa da Cultura de Queiruga.
