Este domingo 8 de outubro remata o prazo para presentarnos á XVIII Carreira Pedestre de Lestrobe. A proba foi presentada os días pasados polo alcalde do Concello de Dodro, Francisco Xabier Castro Tourís, xunto co técnico de deportes, Nando González. A carreira, que conta cunha gran tradición, celebrarase o vindeiro 12 de outubro no entorno de Lestrobe (Dodro). Como novidade, esta edición está dentro do IX Circuíto de Carreiras da Deputación da Coruña.
Haberá cinco categorías: Absoluta 10K (10 quilómetros), Sub 14 e Sub 16 (3,7 quilómetros), Sub 12 (1.3 quilómetros), Sub 10 (750 m), Pé de Millo (650 m) e Pavón (100 metros).
As persoas interesadas en obter máis información e en inscribirse, poderán realizalo na páxina de carreirasgalegas.com.
Para pechar todos os detalles da organización da proba, o departamento de Deportes do Concello de Dodro convocou a solicitude de colaboración de voluntariado, a través do 981 802 532 e a conta deportes@dodro.gal ou en persoa nas oficinas do Pavillón Polideportivo Municipal de Dodro.
