Ao abeiro do Ciclo de Cinema Mestre Mateo que se está desenvolver en concellos como o de Boiro, a través do que se proxectan as mellores contribucións das nosas creadoras e creadores ao audiovisual nos seus diferentes formatos, o Centro Social boirense acollerá este sábado 7 de outubro a proxección gratuíta de Non somos nada. Será ás 20.00 horas.
Non somos nada foi recoñecido como mellor documental na XXI edición dos Premios Mestre Mateo.
Sinopse
Tras anos de silencio, a lendaria banda vasca La Polla Records regresa aos escenarios por sorpresa. Evaristo Páramos, o seu carismático vocalista, anúnciao en roda de prensa. Os seus miles de seguidores corren a voz e prepáranse para o acontecemento. Evaristo fai memoria desde a súa pel de punk aldeán. O seu relato enrédase con cancións, fotografías, fragmentos de animación e vellos vídeos da banda. Mil e un concertos quedan no recordo.
Ficha técnica
Dirección: Javier Corcuera
Axudante de dirección: Jacobo Rivero
Produción: Gael Herrera, Miguel Paredes, Natalia de Ancos
Produción executiva: Gael Herrera
Produción asociada: Tamboura Films, La Mula Producciones, Intermedia Producciones, Instituto Del Cine De Madrid, Altahabana Films, La Cara A, Quechua Films
Dirección de fotografía: Mariano Agudo
Cámara: Hugo Carmona, Mariano Agudo, Andrés Zoilo, Eduardo Montero
Son directo: Daniel de Zayas
Montaxe: Martin Eller
Animación: Manuel Viqueira
Documentación: Miguel Ángel Paulo, Jacobo Rivero, Ana Prada
CANDIDATURAS XXI PREMIOS MESTRE MATEO
Mellor documental