Este ano o Concello de Ribeira súmase á XII de Limpeza Simultánea de Praias que convoca anualmente a plataforma ecoloxista galega ADEGA. O vindeiro sábado 7 de outubro a concellería de Medio Ambiente organiza unha limpeza na praia de Coroso de 10.00 a 13.00 horas.
Segundo explicou a concelleira Antía Alberte, “o punto de encontro será na caseta de socorristas de Coroso e o facilitaremos bolsas e luvas a tódolos participantes”.
A edil engadiu que “o lixo que se acumula nas praias pode ser arrastrado polas mareas cara ao océano, polo que este tipo de limpezas contribúen a previr a contaminación no noso mar.”
Tódolos voluntarios poderanse inscribir no código QR do cartaz ou na ficha de inscrición habilitada.
