O club deportivo noiés + D Monte presentou os días pasados a súa primeira actividade formativa: o Curso de Iniciación á Marcha Nórdica. Será unha proposta de adestramento e capacitación de balde e destinado a todas as idades.
O 18 de novembro, de 16:30 h a 18:30 h, celebrarase a presentación da actividade e a iniciación á técnica. Será no Edificio do Casino de Noia.
O 25 de novembro, de 16:30 h a 18:30 h, e o 2 de decembro, de 11:00 h a 13:00 h, desenvolveranse as clases prácticas.
Máis información e inscricións na conta de correo masdemonte@gmail.com e no teléfono 663 230 406 (Whatsapp). Tamén na conta @maisdemonte (instagram).
Para quen non o saiba, a marcha nórdica ou camiñada nórdica (en inglés, Nordic Walking) é un deporte de resistencia e unha forma de exercicio ao aire libre que consiste en camiñar coa axuda e impulso de bastóns similares aos utilizados no esquí.
