Isorna (Rianxo) vai acoller o vindeiro 25 de outubro unha nova actividade de reforzamento do envellecemento activo e a calidade de vida das persoas maiores. Trátase dunha xornada abeirada ao programa de colaboración desenvolvido polo Concello e a asociación AGADEA, que inclúe múltiples actividades e un servizo específico de detección do deterioro cognitivo e de recursos que aplicar para mitigalo. Desta volta a xornada porá o foco nas persoas coidadoras e no estrés emocional que implica este labor, que, segundo informa AGADEA, é “imprescindíbel xestionar de forma correcta”. Estas e outras cuestións serán tratadas por Alba Iglesias, psicoxerontóloga de AGADEA, nun faladoiro que terá lugar a semana vindeira.
– Martes 25 de outubro a partir das 17:00 h.
– Casa da República (Isorna).
– Cómpre chamar ao 672705053 para apuntarnos.