O Concello de Porto do Son achega este mes de novembro un curso de balde con recursos útiles para deportistas e para adestradores de deportistas. Trátase do curso Recomendacións para a preparación física e o adestramento, de catro horas de duración. Desenvolverase o 13 de novembro, en horario de 16:00 a 20:00 horas, no Viveiro de Empresas de Porto do Son. As inscricións están abertas até o 31 de outubro e poden facerse a través da conta de correo electrónico maria.santos.lemina@portodoson.gal. O curso vén da man da Escola Galega de Saúde para Cidadáns en colaboración co Concello.
