Teatro Babaluva vai representar en Escarabote (Boiro), este mes de outubro, o seu espectáculo Garavanciña e o esquío. Trátase dunha proposta creativa de xogos musicais, monicreques e recursos sonoros e para público infantil e familiar. O espectáculo será un convite á rapazada para que poña música ao conto de Garavanciña: con obxectos naturais e obxectos da vida cotiá (garrafas, auga, xornais, chapas, etc). Será este sábado 7 de outubro no Centro Social de Escarabote.




