A Comunidade de Montes de Nebra (Porto do Son) vai organizar este mes de outubro unha actividade formativa sobre cogomelos a través da cal mostraranse aos asistentes diferentes métodos prácticos para identificalos, cales son os que teñen máis presenza na nosa terra, cales as mellores épocas do ano (e condicións para recollelos) e que propiedades culinarias atesoura cada tipo de fungo. A cita será o 28 de outubro. Será impartida polo experto na materia Suso Montero. A xornada inclúe unha vertente teórico-práctica, unha degustación, unha saída ao monte e un obradoiro de cociñado. As prazas son limitadas. A actividade celebrarase no Local Veciñal de Nebra e na súa contorna. Podemos solicitar máis información nos teléfonos da Comunidade De Montes De Nebra: 659060548 e 722740563.
