Würth España, empresa especializada na distribución e comercialización de ferramentas e produtos en sectores como talleres de automoción, vehículos industriais, metal, instaladores, mantemento, madeira, agricultura e construción, inaugura un novo punto de venda en Ribeira este venres 28 de setembro. A multinacional alemá, que ten presenza desde hai 45 anos en España, aposta por Ribeira e a súa localización estratéxica para a apertura do seu autoservizo número 149, onde ofrecerá máis de 3.000 referencias do catálogo de Würth nun espazo que dispón de 350m2.
Segundo informan fontes da compañía, os clientes terán ao seu alcance un amplo abano de ferramentas, químicos, parafusería, tacos e ancoraxes, así como un apartado de Modyf, a marca de vestiario laboral. “Todo iso clasificado e ordenado en expositor adecuadamente colocados para facilitar a visibilidade de todas as referencias do autoservizo”, engaden.
A tenda atópase situada no Polígono Industrial Xaras, na avenida Ramiro Carregal Rey, nun “lugar estratéxico para facilitar a localización, acceso e o estacionamento dos vehículos”, explican dende a empresa, engadindo que os visitantes que acudan recibirán unha ampla información e asesoramento da gama de produtos e servizos que se atopan nas súas instalacións, ademais, poderán beneficiarse de promocións especiais.
Actualmente, Würth xa ten presenza en todas as comunidades autónomas e en Baleares.
Teléfono do Autoservizo: 981 072 599.
Correo electrónico: autoservicio.ribeira@wurth.es.
