Este sábado celébrase a XXIV edición da Carreira Popular de Santa Uxía; que formará parte do IX Circuíto Provincial de Carreiras Populares da Deputación da Coruña, así como do VI Circuíto de Carreiras Barbanza Arousa.O evento celebrarase a partir das 17.00 horas.
A proba absoluta disputarase sobre unha distancia de 10 quilómetros. Poderán participar atletas federados e non federados; e as probas estarán baixo o control técnico do Comité de Xuíces da Federación Galega de Atletismo. Haberá servizo de duchas a disposición dos atletas no Complexo Deportivo de A Fieiteira e o Centro de Raqueta Sta Uxía (praia de Coroso), así como tamén servizo de gardarroupa na Oficina de Turismo.
O concelleiro de Deportes, Xabier Vidal, e Moncho Sampedro, da Asociación de Veciños de Carreira, presentaron o xoves 21 de setembro a carreira.
