O concello de Rianxo vai acoller este mes de setembro unha das paradas da unidade móbil da iniciativa itinerante Coidados Porta a Porta, impulsado pola Xunta para levar, de xeito gratuíto, servizos de podoloxía, revisión auditiva e estimulación da memoria para maiores de 55 anos. Situárase na praza de Castelo.
Para poder recibir atención as persoas interesadas deberán pedir cita previa nos teléfonos 622 748 283 e 623 546992.
A unidade móbil recalará en Rianxo o 26 de setembro e ficará na vila até o día 29.
Máis polo miúdo, este programa permitirá que as persoas maiores de Rianxo poidan realizar unha revisión e valoración da súa audición; acceder a un servizo de atención podolóxica para prevención, diagnose e tratamento das principais patoloxías dos pés; ou realizar de probas de valoración cognitiva e exercicios de estimulación para a prevención de enfermidades neurodexenerativas coma o alzhéimer.
Para gozar destes servizos as persoas interesadas deben concertar cita previa a través dos teléfonos 622 748 283 – 623 546 992. Tamén a través da conta de correo coidadosportaaporta.politicasocial@xunta.gal.
