Nesta edición 2023 das Festas da Guadalupe o Concello de Rianxo habilitou un Espazo Violeta na Martela, a carón do Centro de Saúde. Este é un espazo de seguridade para todas as persoas que o precisen, persoas que sufran algún tipo de agresión, menores que se atopen perdidos, etc. Ademais, no punto violeta proporcionarase acompañamento e información contra a violencia de xénero e realizaranse actividades de sensibilización e prevención a través de material específico a tal fin. O espazo vén da man de Exeria e máis do Concello de Rianxo. Estará operativo en diferentes emprazamentos (en función da actividade festiva) até o remate das festas, o 15 de setembro.
