O Concello de Outes compartiu nas redes o programa actividades para a cidadanía que se impartirán nos distintos centros sociais (Centro Social da Serra, Centro Sociocultural de Cando, Colexio de Cruceiro de Roo, Centro Sociocultural da Vila do Monte, Centro Sociocultural de San Cosme, Centro Sociocultural de San Lourenzo e Club Náutico do Freixo) entre os meses de outubro e xaneiro. Será unha completa axenda de obradoiros cuadrimestrais.
No caso do Centro Social da Serra, haberá obradoiros de bailoterapia, ioga terapéutico, patchwork, memoria, cestería, coiro, ximnasia terapéutica, gancho (crochet), vainicas e bordado e corte e confección.
No Centro Sociocultural de Cando están programados talleres de memoria, pilates e bailoterapia.
No Colexio de Cruceiro de Roo celebrarase un obradoiro de ioga terapéutico.
No Centro de Vila do Monte desenvolveranse talleres de memoria, de pilates e de bailoterapia.
No Centro Sociocultural de San Cosme celebrarase un taller de bailoterapia e no de San Lourenzo de memoria, de pilates e de bailoterapia. Tamén haberá un obradoiro de pilates no Náutico do Freixo.
Máis información sobre estas actividades no 981 850 575.
