O Concello de Boiro, xunto co Instituto de Herboloxía Sarela, organiza unha nova sesión do obradoiro de dermocosmética. A actividade terá lugar o vindeiro domingo 8 de outubro ás 10.30 horas no Centro de Formación de Espiñeira.
O obxectivo desta xornada é ofrecer un aprendizaxe sobre a pel e elaboración de cremas nutritivas para o coidado da mesma. “Xa se realizara unha sesión deste obradoiro e, debido á gran demanda que tivo, decidimos facer unha segunda sesión”, afirmou a concelleira de Medio Ambiente, Olga González.
As prazas son limitadas e as inscricións para participar poden facerse no Departamento de Medio Ambiente do Concello de Boiro.
