O alcalde de Boiro, José Ramón Romero, e a concelleira de Cultura, María Outeiral, visitaron este mércores 27 de setembro o Museo do Pobo Galego, en Santiago, para asinar a adhesión do Concello de Boiro como entidade socia da institución e mantiveron unha xuntanza coa presidenta do Padroado do Museo, Concha Losada, e o director, Manuel Vilar.
Segundo informaron, o alumnado dos centros de ensino de Boiro está a visitar nestes días o Museo no marco das actividades que se están a levar a cabo con motivo do centenario do Seminario de Estudos Galegos.
