A patronal noiesa (Noia Histórica) vai celebrar este venres 22 de setembro o sorteo dos agasallos da
campaña Mercar no teu comercio ten premio. Será ás 19.00 horas, na alameda da Noia (fronte ao Concello) da localidade.
O evento final da campaña empezará ás 16.00 hs na mesma localización. Neste lugar, entre as 16.00 e as 19.00 hs, poderán trocarse os tíckets das compras realizadas durante as datas de duración da campaña (do 15 ao 22 de setembro) por boletos para participar no sorteo en directo de 1.000 euros repartidos en tarxetas prepago de 300 e de 50 euros. Estas tarxetas deberán ser empregadas polos gañadores en novas compras no comercio de proximidade local.
Mercar no teu comercio ten premio é unha iniciativa de promoción do comercio de proximidade galego, organizada pola Federación de Comercio de A Coruña, a Federación Galega de Comercio e a Consellería de Economía, Industria e Innovación – Dirección Xeral de Comercio e Consumo da Xunta de Galicia, coa colaboración neste caso do CCA Noia Histórica.
A través desta iniciativa, todos os clientes de Noia que realizaran compras no comercio de proximidade asociado entre o 15 e o 22 de setembro, poden participar no sorteo en directo destes 1.000 euros en premios. Este sorteo contará coa presencia de representantes das entidades organizadoras, entre eles Miguel Agromayor, presidente Federación Comercio Coruña, Alba Expósito, presidenta Asociación CCA Noia Histórica, e José Pérez, concelleiro de Comercio.
