Jaime Bello, educador social do Concello de Boiro, viaxará a Mozambique para participar no programa Especialistas en Cooperar

08 Setembro 2023


O Concello de Boiro mantén a súa participación co Fondo Galego de Cooperación e Solidariedade a través do programa Especialistas en Cooperar. O educador social do Concello de Boiro, Jaime Bello, desprazarase no último trimestre do ano a Mozambique xunto con persoal doutros Concellos para asesorar en materia de igualdade, acción social e deportes.

Segundo informan fontes do Consistorio boirense, trátase da segunda edición deste programa que está destinado a persoal dos concellos, deputacións e mancomunidades de Galicia para reforzar proxectos na África lusófona e o coñecemento doutras realidades a través do intercambio de experiencias.

As tarefas de Jaime Bello en Mozambique estarán vinculadas á promoción do dereito á educación e á saúde da infancia do rural mozambicano que o Fondo Galego leva anos apoiando a través da Fundaçao Encontro. Participará na vida diaria da Casa do Gaiato, que acolle a uns 180 nenos, para traballar principalmente co grupo da mocidade. “Agardo desta experiencia unha aprendizaxe mutua e poñer a disposición do persoal local os meus coñecementos”, afirmou Jaime Bello.

O Fondo Galego de Cooperación está integrado por 100 concellos, entre os que se atopa o de Boiro, de xeito que se levan a cabo programas como Especialistas en Cooperar de voluntariado internacional para persoal municipal, favorecendo o intercambio de experiencias e un maior coñecemento da realidade dos países aos que apoia o Fondo Galego.

Outros artigos

Publicidade

Revista en papel

Opinión

“La Confianza” – José Antonio Constenla

“La Confianza” – José Antonio Constenla

En la actualidad atravesando una crisis de confianza, con mil explicaciones, pero ninguna sencilla ni clara, que dificulta la comprensión del mundo en el que vivimos. Un efecto de estos es que los discursos no sintonizan con la realidad en la que estamos inmersos....