Os cursos de formación, as prácticas en empresas, as escolas taller e os cursos ocupacionais teñen que trasladar a motivación necesaria aos alumnos e que, en todo caso, non pode ser unicamente a de ofrecerlles unha formación teórico-práctica senón que ademais deberían servir de garantía para atopar un posto de traballo, acorde á cualificación profesional de cada persoa.
As Corporacións Locais, xunto coas Comunidades Autónomas ou as Deputacións provinciais, antes de ofertar e aprobar calquera curso ocupacional ou taller de emprego terían que asinar un convenio, con algunhas empresas locais ou comarcais, para garantir a empregabilidade dos desempregados (a maioría, persoas en situación de vulnerabilidade) que superen as probas e obteñan o correspondente certificado de profesionalidade.
Sen ningunha dúbida hai que recoñecer que o que conseguen as diferentes escolas taller, que se realizan en moitas das entidades locais, en colaboración con outras administracións, son dous obxectivos: a formación dos participantes e o traballo en favor da comunidade. Agora hai que dar un paso máis e tratar de lograr a plena e real inserción laboral de todos os participantes, nestes talleres ocupacionais, e todo é cuestión de vontade política.
Está demostrado, que a maior parte, por non dicir a case totalidade, dos participantes nestes talleres o que desexan é traballar por conta allea e non entrar no mundo do emprendemento, creando un negocio, pois a inseguridade e as dúbidas sobre a viabilidade son incertas nos momentos actuais.
