Un condutor de 21 anos resultou ferido de carácter leve,nun accidente de tráfico rexistrado ao redor das catro desta madrugada na calzada en dirección cara a Ribeira da Autovía do Barbanza, á altura do quilómetro 31, ao seu paso polo municipio da Pobra.
O Centro Integrado de Atención ás Emerxecias 112 Galicia recibiu o aviso dun conductor que informou dunha saída de vía pola marxe dereita que impactou contra a varanda e saír despedido cara ao lado esquerdo e chocando coa mediana de formigón.
Urxencias Sanitarias de Galicia-061 mobilizou ata o lugar do suceso unha ambulancia e procedeu a trasladar a Urxencias do Hospital do Barbanza o ferido.
A dotación de garda do Consorcio Provincial Contraincendios e Salvamento da Coruña con base Ribeira foi mobilizada por mor dun accidente de tráfico na AG11.