A Sociedade Liceo de Noia acolle este vindeiro domingo, 10 de setembro, a sexta edición do Torneo de Xadrez “Vila de Noia”, en horario de 11.00 a 19.00 horas. Haberá as seguintes categorías, promesas, benxamín, alevín, infantil e absoluta, ou, o que é o mesmo: categoría Sub-08, categoría Sub-10, categoría Sub-12, categoría Sub-14 e categoría Absoluta. Haberá premios participativos e sorteo de agasallos. Tamén, galardóns para as/os primeiras/os clasificadas/os de cada modalidade e para a/o primeira/o local.
Esta semana o concelleiro de Deportes, Santi Rodríguez, xunto á Concelleira de Xuventude, Laura Salgado, e membros da Escola de Xadrez do Liceo de Noia fixeron a presentación do torneo.
Segundo fixeron saber, as inscricións pódense facer a través da conta xadrezbretema@gmail.com.
