O alumnado da formación en Actividades Auxiliares de Comercio, Almacén e Reparto a Domicilio, que se impartiu no Centro de Recursos da Asociación Ambar das Persoas con Diversidade Funcional, realizaron fase práctica durante os meses de xuño, xullo e setembro.
Juan Gabriel, Ismael, Jorge, Araceli, María Elena, Antonio e Rubén tiveron a oportunidade de poñer en práctica os coñecementos que adquiriron durante a fase teórica, impartida no Centro de Recursos de Ambar, nas diferentes empresas da comarca: A Poutada, CONGALSA, FRINSA, Lolita Multimarca, Miss-Tic, Suministros Barbanza e en Triñanes e Hijos Suministros Industriales.
Esta fase práctica da formación durou un total de 120 h. “Foi”, en palabras de Ambar, “unha experiencia moi enriquecedora a través da cal puideron mellorar as súas competencias laborais en sectores estratéxicos da nosa comarca”.
Este curso está co-financiado polo Fondo Social Europeo (FSE), a través da Convocatoria de Axudas Económicas para a Selección de Operacións para o Reforzo da Empregabilidade das Persoas con Discapacidade POISES “Uno a Uno” – Año 2022 – 2023 impulsada pola Fundación ONCE.
Esta formación enmárcase na actuación do Obxectivo Temático 9: Prioridade de Inversión 9.1. Obxectivo Específico 9.1.2. relativo a aumentar a contratación de persoas con discapacidade en situación ou risco de exclusión social.
