O concelleiro de Deportes, Xabier Vidal, presentou este mércores 13 de setembro a axenda das Escolas Deportivas de Inverno de Ribeira que comezan o vindeiro 16 de outubro. Segundo fixo saber, para nenas e nenos hai 12 categorías deportivas; atletismo, baloncesto, balonmán, kempo, nada e corre, multideporte, pádel, patinaxe artística, tenis, voleibol, ximnasia acrobática e ximnasia rítmica. Para adultos hai escola de tenis en Artes e de pádel no Centro de Raqueta de Santa Uxía.
Segundo engadiu, a renovación de matrículas poderase facer dende o 11 ata o 16 de setembro, e as novas inscricións do 18 ao 22 de setembro. A modalidade de presentación das solicitudes será en Atención Cidadá en horario de 9.30 a 1.30 ou por vía telemática a través da páxina web do Concello, para o que é preciso o certificado dixital.
A totalidade de prazas que se cobren oscilan entre 400 e 500 nenos e nenas, e empréganse tódalas instalacións municipais.
