A Pobra acolleu dentro das festas do Nazareno o X Encontro de Música e Baile Tradicional. Os grupos participantes foron: ACD XIADA da Pobra do Caramiñal con 30 compoñentes; A.F Virgen del Carrascal de Cespedosa de Tormes (Salamanca) con 20 compoñentes e o Grupo Folclórico e Etnográfico de Lordero (GUIMARÃES) con 60 compoñentes.
Os grupos saíron desfilando dende o Concello ata a Covecha para logo dar paso na praza Alcalde Segundo Durán, ó X Encontro de música e baile tradicional.
O presentador do festival foi o historiador e colaborado de “obarbanza.gal” e da revista “O Barbanza”, Antonio González Millán, que relatou a importancia da unión hai 200 anos, dos concellos de Santiago del Deán e o Caramiñal. A presentación completouse cunha proxección de imaxes dos diferentes escudos e selos ó longo deste bicentenario.
Foi tal a acollida que o aforo inicial de 200 cadeiras quedou insignificante ante os centos de persoas que se congregaron na praza Alcalde Segundo Durán. Ó finalizar o Encontro, fíxose entrega de un presente en sinal de confraternización entre asociacións, ós representantes de cada grupo.
Fotos remitidas