Unha borrasca de 970 mbar situada ao norte de Irlanda deixará en Galicia forte vento do suroeste no litoral e zonas altas do terzo norte en terra. Ademais nas últimas horas do mércores e primeiras do xoves espéranse choivas fortes.
Meteogalicia
Unha borrasca situada ao norte de Irlanda motivará que parte de Galicia permaneza este mércores en alerta amarela por fortes ventos e precipitacións.
O fenómeno deixará en Galicia forte vento do suroeste na costa e zonas altas do terzo norte en terra. Ademais, nas últimas horas do mércores e primeiras do xoves espéranse choivas fortes.
Así, a partir das 9,00 horas, haberá aviso amarelo por refachos de vento superiores ao 80 km/h na zona da Mariña de Lugo e no noroeste da Coruña. Toda a costa estará en alerta por vento do suroeste de forza sete.
Ademais, entre as 00,00 e as 6,00 horas tamén estará en aviso amarelo a provincia de Pontevedra e parte da da Coruña por acumulación de choivas.
