O concelleiro de Turismo, Festexos, Relacións Institucionais e Novas Tecnoloxías do Concello de Ribeira, Francisco Suárez-Puerta Colomer, presentou este luns 28 de agosto os detalles da V Concentración Moteira Os ReventaPistóns, que se desenvolverá na cidade os días 29 e 30 de setembro e o 1 de outubro.
Segundo explicou Ivan Olveira, presidente da Asociación Os ReventaPistóns, o evento dará comezo o venres á noite con barbacoa e sesión DJ. O sábado e o domingo realizaranse saídas moto-turisticas e desenvolveranse exhibicións de saltos de coches e espectáculos freestyle, acompañados de concertos musicais e sesións DJ.
As inscricións poderanse realizar ate o 26 de setembro.
