Ribeira acolleu a décima edición do Día das Galegas nas Letras, que rendeu homenaxe a Aurora Marco

16 Agosto 2023

O parque de San Roque de Ribeira foi o escenario escollido este ano para a celebración do X Día das Galegas nas Letras, que homenaxeou a vida e obra da escritora Aurora Marco.

Foi un evento anual organizado pola plataforma de crítica literaria A Sega, a Asociación Cultural Barbantia e o Concello de Ribeira.

“Para nós é un orgullo que Aurora Marco escollera Ribeira para a celebración deste evento tan emotivo” destacou o alcalde Luís Pérez Barral.

A xornada comezou cun roteiro imaxinario sobre a obra de Aurora Marco e unha posterior lectura de manifesto por parte da autora, que destacou a importancia de recoñecer e visibilizar o labor realizado polas mulleres. O acto rematou cunha pequena romaría con xantar popular e micro aberto.

A orixe da devandita distinción, Señora das Letras, naceu en 2014 e nas nove primeiras edicións foron nomeadas: Dorohé Schubart (2014), María Victoria Moreno (2015), María Xosé Queizán (2016), Patricia Janeiro (2017), Marica Campo (2018), Xela Arias (2019), Inma Antonio (2020), Uxía Casal (2021) e Luísa Villalta (2022).

Como explican as mulleres do colectivo na súa páxina web sobre esta celebración:

“Hai quen senta e observa mentres outros tentan dicirnos quen son dignos e quen non son dignas de entrar no concepto que temos de literatura e de país. Hai quen se laia, hai quen concorda, hai quen simplemente nin atende. E logo estamos as que collemos o foucín, arrefuzamos as mangas e botamos o sombreiro ancho para saír de Sega”.

Outros artigos

Convocados os “Premios da Cultura Galega 2024”

A Xunta de Galicia convoca os Premios da Cultura Galega 2024, certame que recoñece o labor creativo e a súa expansión nos novos espazos actuais desde a súa primeira edición, en setembro de 2010. As oito modalidades convocadas son as de Letras, Artes Visuais, Artes...

+

Publicidade

Revista en papel

Opinión

“Cariño: un pequeno gran punto negro contaminante”

“Cariño: un pequeno gran punto negro contaminante”

Non se sabe con exactitude o grao de contaminación que pode provocar en Galicia unha empresa que, como Altri (en Palas de Rei, Lugo), vai utilizar o eucalipto como materia prima a partir da que extraer fibras téxtiles; máis é evidente que existe medo ao que a...

“Tiempos verbales”. Alberto Barciela

“Tiempos verbales”. Alberto Barciela

No sé en que justo momento, si es que lo hubo alguna vez, perdimos el rumbo político y el social. No identifico en qué instante se distrajeron las referencias de los valores esenciales para la convivencia, para el entendimiento, para la discusión constructiva y la...