Boiro recibe novamente os días 6, 7 e 8 de setembro a unidade móbil do programa Coidados Porta a Porta, que desta vez se instalará en Cespón a carón do Centro Social. Este programa ten como finalidade achegar ás persoas maiores do rural servizos asistenciais para a prevención da dependencia con servizos de podoloxía, audioloxía e estimulación da memoria.
O programa toca estar tres áreas ao ser fundamentais para a prevención da dependencia nas persoas maiores. No eido da estimulación da memoria vanse a realizar actividades para a estimulación cognitiva e funcional, para a prevención da dependencia mediante hábitos de vida saudábeis ou para a promoción do envellecemento activo.
O coidado do pé adquire importancia co paso dos anos, por iso os servizos que se van a levar a cabo inclúen consultas básicas en podoloxía, corte e limpeza de uñas, eliminación de durezas, calosidades e helomas e unha valoración do estado xeral do pé.
Os servizos relacionados coa audioloxía implican unha consulta básica, unha exploración funcional da audición e prevención da persa auditiva xa que o seu deterioro pode afectar á integración sensorial e resultar nunha menor socialización.
Para participar neste programa pode solicitarse cita previa ou máis información no enderezo electrónico coidadosportaaporta.politicasocial@xunta.gal ou nos teléfonos móbiles 622 748 283 ou 623 546 992.
