Este mes de agosto vaise celebrar en Outes a nova edición dun evento local que reivindica a etiqueta máis tradicional e propia da nosa cultura, da nosa gastronomía e dos nosos oficios artesáns. Trátase da cuarta edición da Feiriña, que está programada para este 19 de agosto na Serra de Outes. Haberá obradoiros, postos e actividades arredor da gastronomía, a artesanía, o comercio, a música e o agro. A Feiriña levarase a cabo a longo de case toda a xornada do sábado 19, en horario ininterrompido de 11.00 a 22.00 horas, na rúa da Capela. Organiza o Concello de Outes.
