Un home que rolda a trintena de anos permanece ingresado no Hospital do Barbanza despois de que a última hora da tarde do mércores resultase ferido por un traumatismo que sufriu cun accesorio dun tractor co que estaba a traballar nunha leira particular nos Campos de Olveira, dentro do parque natural de Corrubedo, en Ribeira.
Segundo recolle o Diario de Arousa, o suceso ocorreu ao redor das oito da tarde e foi un familiar o que contactou con Urxencias Sanitarias de Galicia-061 para solicitar asistencia sanitaria inmediata para a vítima que se cortou nun brazo cunha empacadora.
Desde ese servizo mobilizáronse o helicóptero medicalizado e unha ambulancia, aínda que cando chegaron o lugar xa non había ninguén xa que ao parecer un familiar levoullo ao Hospital do Barbanza no seu coche particular pois entendía que a ferida presentaba un corte feo, polo que sangraba bastante, e que a súa situación estaba a complicarse bastante co paso dos minutos, polo que considerou que non podía esperar á chegada da asistencia sanitaria.
