Un terremoto mar dentro, fronte ás Rías Baixas, fíxose notar en terra. A sacudida rexistrouse ás 8.47 horas deste venres, segundo os datos recolleitos polo Instituto Xeográfico Nacional (IGN), e tivo o seu epicentro a 27 quilómetros das Illas Cíes, a 19 quilómetros de profundidade. A sacudida alcanzou unha magnitude de 2,2 mbLg.
Minutos antes, ás 8:29, as Rías Baixas fronte a Bueu, rexistrabase outro terremoto, dunha magnitude menor: 1,9 mbLG. Este tivo o seu epicentro a só 5 quilómetros da Costa da Vela , en Cangas, e a un quilómetro de profundidade. Por agora, o IGN non recolle se foi percibido en terra.
