A Policía Nacional atópase na procura de Miguel Vilar Castro, veciño de Ribeira de 16 anos que desapareceu da súa casa hai unha semana. O último lugar no que se lle viu foi a súa propia casa, polo que se sospeita que a súa marcha sería voluntaria.
Ademais, por mor das primeiras pescudas crese que o mozo se atopa no estranxeiro, presumiblemente en Portugal. A familia denunciou a súa falta na comisaría ribeirense, aínda que esta non é a primeira vez que se ausenta durante varios días.
Miguel Vilar ten 16 anos, é moreno, alto e de ollos marróns. Así mesmo, crese que podería portar un pendente nunha orella. Descoñécese a roupa que levaba no momento da desaparición. Desde a familia solicitan que calquera que teña algunha proba do seu paradoiro póñase en contacto coa Policía Nacional ou con eles no 604 045 077.
Fontes familiares explicaron que o mozo podería estar acompañado de dúas persoas maiores de idade e que non teñen noticias del desde o momento da súa desaparición.
