O Concello de Ribeira, a través da Concellería de Cultura, Mocidade, Medio Ambiente e Benestar Animal, organiza un voluntariado ambiental baixo a tutela do persoal do Parque Natural de Corrubedo. O programa desenvolverase dende o 6 até o 17 de agosto.
A actividade, deseñada para 15 mozos e mozas de 18 a 30 anos, ten como obxectivo “asegurar a protección, recuperación, fomento e difusión dos valores ambientais e do patrimonio natural do complexo dunar de Corrubedo e as lagoas de Carregal e Vixán”.
Os traballos propostos consisten en labores de mantemento do espazo natural como a reconstrución e consolidación de sendeiros, eliminación de especies autóctonas, vixilancia de incendios, retirada de plásticos e microplásticos; e traballos de información e sensibilización do visitante”.
Por outra banda, o propósito xeral deste tipo de actividades é “o de espertar o interese e o sentido crítico dos participantes cara o medio ambiente; así como dar a coñecer técnicas educativas para enfocar actividades dende o respeto pola natureza e a protección da contorna”, explicou a edil de Cultura, Mocidade, Medio Ambiente e Benestar Animal de Ribeira, Antía Alberte.
