A aula de lectura da Biblioteca Municipal de Porto do Son vai ser esta tempada un espazo de celebración dos libros e da cultura, ao abeiro da iniciativa Noites de Verán na Biblioteca. Será unha celebración por partida dobre: os días 24 e 31 de agosto na Biblioteca.
As actividades, dirixidas especialmente a nenas e nenos de idades comprendidas entre os 4 e os 6 anos, consistirán en “dúas noites de xogo arredor dos contos e dos seus protagonistas”. Ademais, a dirección da Biblioteca informou de que “se a noite de verán acompaña, poderemos saír ao exterior para desfrutar do contacontos e das lecturas con lanternas”. As prazas so limitadas. As inscricións cómpre facelas na Ludoteca Municipal en horario de 12:00 a 14:00 horas.
