Xosé Merelles destaca a importancia da ruta Traslatio para impulsar a Galicia como destino turístico náutico

08 Xullo 2023

Forman parte deste proxecto os portos ou clubs náuticos de Ribeira, Boiro, Pobra do Caramiñal, Rianxo, O Grove, Sanxenxo e Vilanova de Arousa

O director de Turismo de Galicia, Xosé Manuel Merelles, participou no acto previo á celebración da XXXVII edición do remonte conmemorativo da Traslatio, onde indicou a importancia desta ruta para impulsar a Galicia como destino turístico náutico.

Merelles lembrou que a Xunta ten asinado un convenio coa Asociación de Clubes Náuticos de Galicia para a promoción da Ruta Traslatio, que no marco das accións de cohesión en destino do Plan Xacobeo Next Generation, destina a este proxecto 1,3 millóns de euros, co obxectivo de impulsar a Galicia como destino turístico náutico.

O convenio ten como obxecto revalorizar os activos turísticos vinculados á Ruta Traslatio, con accións de mellora da eficiencia das infraestruturas portuarias, rehabilitación de infraestruturas e a dixitalización de recursos para optimizar a experiencia do visitante náutico a Galicia. Forman parte deste proxecto os portos ou clubs náuticos de Ribeira, O Grove, Sanxenxo, Vilanova de Arousa, Boiro, Pobra do Caramiñal e Rianxo.

Trátase dunha aposta por revalorizar os activos turísticos, levando adiante accións que permitan mellorar a experiencia dos usuarios ao tempo que melloramos a eficiencia das infraestruturas portuarias, rehabilitamos estruturas e poñemos en valor medioambiental e patrimonialmente os recursos turísticos cos que conta o trazado polo que discorre esta ruta xacobea única.

“Dende a Xunta temos moi clara a importancia que ano tras ano está collendo o turismo náutico e queremos facer de Galicia unha potencia turística para o sector náutico”, indicou o director de Turismo.

Ruta Traslatio

A ruta Traslatio trátase dunha das dez rutas xacobeas oficialmente recoñecidas e a única que existe polo mar, rematando cun remonte polo río Ulla co que se conmemora a chegada a Galicia, por mar do corpo do apóstolo Santiago. Os portos de Ribeira e do Grove marcan a entrada á ría de Arousa, por cuxas augas navegou a barca do apóstolo as súas últimas millas.

Outros artigos

Publicidade

Revista en papel

Opinión

“Oporto”. Alberto Barciela

“Oporto”. Alberto Barciela

Oporto puede seguirse en el sentido serpenteante de un río, o en la vertical de un océano, ascenderse o descenderse por meandros encajados en calles que a veces semejan acantilados, que siempre se precipitan hacia agua, una urbe universal cerca del tiempo que le tocó...