A.Luaces.- Durante este xoves os servizos holandeses de emerxencia continuaron loitando contra do lume declarado a bordo dun cargueiro que transportaba automóbiles. O sinistro, que deixou polo menos un morto e varios feridos poido ter comezado nun dos 25 vehículos eléctricos que transporta o buque. O incidente xerou unha grande preocupación polas repercusións que pode ter no medio ambiente.
As primeiras novas do accidente foron coñecidas após a medianoite do martes, cando os medios de emerxencia foron informados dun incendio no Fremantle Highway, que transportaba uns 3.000 vehículos, e que navegaba a unas 15 millas fronte á costa do norte dos Países Baixos (perto da illa de Ameland). Os 23 membros da tripulación a bordo poideron ser evacuados e non se ten coñecemento de que entre eles figuren oficiais ou mariñeiros españóis.
Segundo un comunicado feito público pola Garda Costeira, a tripulación tentou extinguir o lume cos seus propios medios, sen acadalo. O buque, de 18.500 toneladas e bandeira de Panamá, saíu do porto alemán de Bremerhaven con destino a Port Said (Exipto).
Barcos de rescate enviados á zona tentan extinguir o lume que invade cada vez máis as dependencias de cargueiro. Este, ao parecer, xa ten unha perceptible escora. Os barcos de rescate utilizan todos os medios á súa disposición para evitar o afundimento do Fremantle Highway.
Os propietarios do barco apuntaron que o lume podería ser provocado por algún dos 25 autos eléctricos que transportaba o cargueiro. © Handout / Netherlands Coastguards
