A andaina ten un carácter popular, na que calquera persoa poida participar, pois, segundo lembran as entidades organizadoras, “os percorridos teñen un perfil e unha distancia accesíbeis a calquera estado de forma física. Así, preténdese que sexa “unha grande festa deportiva para os veciñ@s, turistas e afeccinoad@s ao deporte”, engaden.
Nesta segunda edición, a proba organizase a beneficio de SOGAPS (Solidariedade Galega co Pobo Saharauí), que desenvolve día a día un grande traballo de solidariedade, sendo destinado a tal fin o 100% do recadado.
Pódese colaborar participando na Andaina, na Carreira ou a través do Dorsal 0, facendo unha doazón polo importe desexado.
Na ligazón específica habilitada pódese atopar a información principal da proba. Para ampliala acudir ao regulamento completo da proba ou ao Servizo Municipal de Deportes.
Regulamento da Proba
Percorrido Andaina 12 km
Percorrido Andaina 5 km
Inscricións e prezo
Inscrición en liña, ata o xoves 3 de agosto de 2023 ás 23:59 h.
Presencial: na praza Castelao ata 15 minutos antes do inicio da proba.
É obrigatorio inscribirse e retirar o dorsal para a andaina.
A andaina ten un límite de prazas de 750.
