O Concello de Rianxo compartiu a programación de roteiros guiados pola vila e a súa contorna para este verán. Serán un total de 16 saídas para “coñecer mellor o noso municipio e desfrutar do noso patrimonio cultural e natural”, en palabras do Concello. O programa de saídas comeza este 21 de xullo cun itinerario até o castelo da Lúa que ten o seu puto de encontro no peirao de Setefogas (ás 10.30 horas). Este roteiro repetirase o 18 de agosto.
O 28 de xullo (e o 25 de agosto) celebrarase a ruta O hórreo de Araño, con punto de encontro no estacionamento do hórreo ás 10.30 horas.
O 4 de agosto (e o 1 de setembro) será a quenda do Roteiro de Apego plo río Te, con punto de encontro no Parque Empresarial de Rianxo ás 10.30 horas.
O 12 de setembro celebrarase o Roteiro da Gudalupe, con saída na capela da Guadalupe ás 10.30 horas.
Ademais, todos os sábados dende o 22 de xullo até o 2 de setembro levaranse a cabo itinerarios divulgativos polo casco urbano de Rianxo, con punto de encontro na Casa Museo de Manuel Antonio ás 10.30 horas.
As inscricións nestas actividades, que son de balde, haberá que facelas no número 622 322 953, na conta de correo turismo@avivae.com ou no punto de información turística de Rianxo.
