Na mañá deste luns 17 de xullo a sede da patronal de Boiro (ABE) acolleu o sorteo dos premios da primeira das quincenas da campaña de verán da asociación (Quincenas Fantásticas). Fíxose entre os 1386 tíckets de compra rexistrados polos clientes dos negocios asociados entre o 1 e o 15 de xullo.
A ABE explicou que “os 1.386 rexistros supoñen un novo récord da campaña na primeira quincena da mesma superando os 520 da edición de 2021 e os 621 da edición de 2022”.
A xuízo da entidade que preside Daniel García, os devanditos datos “respaldan unha vez mais a aposta feita pola ABE na dixitalización en materia de promoción comercial e consolidan unha tendencia á alza na participación dos seus clientes nos sorteos que organiza”.
Premios, premiados e establecementos.
-250 euros. Francisco Vilas. Baldani Concept Store.
-150 euros. Pilar Piñeiro. Panadería La Espiga.
-100 euros. Yolanda Fungueiriño. Deportes Sr. Balón.
-Bicicleta. Iván García. Paquetería Josefina.
A ABE contactará coas persoas premiadas e realizará a entrega dos premios despois do segundo sorteo xuntando aos galardoados e ambas quincenas.
Próximos sorteos
A campaña Quincenas Fantásticas segue en marcha ata o 31 de agosto e aínda se van sortear 500 € e 1 bici ao remate de cada unha das 3 quincenas restantes do verán (1 premio de 250, 1 premio de 150 e 1 premio de 100 euros + a bici) e un premio especial de 1.000 e para un único agraciado no que participarán todos os rexistros do verán.
Para participar os clientes deben realizar unha compra nun establecemento asociado a ABE e rexistrala en www.abe.gal. A campaña está co-financiada pola Xunta de Galicia.
Sorteos cada quincena
Tíckets rexistrados do 1 ao 15 de xullo >> sorteo o 17 de xullo
Tíckets rexistrados do 16 ao 31 de xullo >> sorteo o 1 de agosto
Tíckets rexistrados do 1 ao 15 de agosto >> sorteo o 16 de agosto
Tíckets rexistrados do 16 ao 31 de agosto >> sorteo o 1 de setembro
