Este venres 21 de xullo na Casa da Cultura de Outes temos unha cita coa danza. A agrupación Et Sueia Danza representará O que non se ve. Será ás 21.00 horas na Casa da Cultura.
O espectáculo, unha nova e destaca contribución á confluencia entre baile tradicional galego e danza contemporánea, conta coa colaboración do Concello de Outes e a Deputación da Coruña. A peza é da autoría da compañía Et Sueia Danza, creada no 2021 froito da colaboración entre OUT Ultreia e Ballet de Galicia. O que non se ve, sinalaron nunha presentación recente os coreógrafos Diego Landín e Gustavo Couto, “representa a través da danza a forza e a loita da muller na sociedade actual”. Iria Portos e Iria Calvar son as bailarinas en escena desta peza coreografada por Diego Landín, Erick Pegueros e Gustavo Couto. Este último e Cristina Cotilla póñenlle música en directo ao espectáculo.
