Ante a convocatoria de folga efectuada para o próximo día 20 de xullo polos representantes dos traballadores da empresa URBASER S.A., actual concesionaria do servizo público de recollida do lixo no concello de Ribeira, o Goberno local solicitou a colaboración da veciñanza atendendo ás seguintes recomendacións:
-Toda a veciñanza debe reducir a produción de lixo o máximo posíbel.
-Non debemos sacar as bolsas de lixo á rúa ata o día establecido nos servizos mínimos, pois ata entón non se van recoller os colectores. Así mesmo, evitarase o depósito de móbeis e trebellos na rúa.
-Os restos de comida, especialmente de peixe e semellantes, deben introducirse en dobre bolsa, asegurar a súa hermeticidade e mantelos nun lugar fresco, a poder ser refrixerado, ata o día establecido para a recollida a fin de evitar molestias.
-Non debemos utilizar os colectores fóra dos días establecidos como servizos mínimos agás en casos de extrema necesidade (saída de viaxe, imposibilidade material de manter as bolsas no domicilio, etc.).
-Durante a folga prestaranse exclusivamente os servizos mínimos seguintes:
Carga lateral:
Zona Ribeira: Recollida luns, mércores, venres e sábado priorizando os lugares onde se celebren festas, en horario diúrno.
Zona Aguiño, Castiñeiras, Carreira e adxacentes: Recollida luns e venres, priorizando os lugares onde se celebren festas, en horario diúrno.
Zona Palmeira, Oleiros, Bretal e adxacentes: Recollida mércores e sábado, priorizando os lugares onde se celebren festas, en horario diúrno.
Zona Corrubedo, Artes, Sirves, Olveira e adxacentes: Recollida martes e venres, priorizando os lugares onde se celebren festas, en horario diúrno.
Carga traseira
Zona Ribeira: Recollida luns, mércores, venres e sábado, priorizando os lugares onde se celebren festas, en horario diúrno.
Zona Aguiño, Castiñeiras, Carreira e adxacentes: Recollida luns e xoves, priorizando os lugares onde se celebren festas, en horario diúrno.
Zona Palmeira, Oleiros, Bretal e adxacentes: Recollida martes e venres, priorizando os lugares onde se celebren festas, en horario diúrno.
Zona Corrubedo, Artes, Sirves, Olveira e adxacentes: Recollida mércores e sábado, priorizando os lugares onde se celebren festas, en horario diúrno.
En todos os casos deberá priorizarse a recollida en: Hospital da Barbanza, centros de saúde, centros sanitarios privados, escolas infantís, colexios e centros da terceira idade, centros de diversidade funcional, mercados, supermercados, zonas de ocio e de concentración de bares e restaurantes. Os días establecidos, por semana, son os mínimos necesarios para garantir a saúde da poboación especialmente vulnerábel: nenos, anciáns enfermos ou persoas asistidas.
Pola Alcaldía informarase puntualmente, a través de bandos, das novas que se vaian producindo. Aínda así, para calquera información ou emerxencia relacionada con este servizo poderanse utilizar os seguintes teléfonos: Empresa concesionaria do servizo 900 104 883
Concello de Ribeira 981 835 417
O Concello engade que “ante a falta de prestación deste servizo básico, esencial para todos os veciños, ao exercer os traballadores de URBASER, S.A. o seu lexítimo dereito de folga, só coa colaboración de todos será posíbel manter unhas condicións mínimas de salubridade”.
