Esta finde prosegue o calendario de festas na nosa comarca. O sábado 1 de xullo, sen ir máis lonxe, Vilas (Asados, Rianxo) acolle a celebración da festa de San Pedro, organizada pola Comisión de Festas do San Pedro de Vilas coa colaboración do Concello de Rianxo. O programa arrinca a primeira hora con Río de Anxo e segue ás 12.30 coa misa cantada da Coral Abraira. Na sesión vermú actuará Cé Orquestra Pantasma e acompañarase de xogos populares, xantar e romaría. Pola tarde actúa a Banda da Escola de Música de Rianxo, Tecor Societário, Orquestra Neverloura e La Yaya DJ.
