Este domingo 16 de xuño comezou unha nova edición das Festas de Santa Mariña de Xuño, que se estenderán até este martes 18. Comezaron este domingo coas honras á virxe do Carme e coas alboradas da agrupación Rexoubeiros, cunha misa solemne, procesión, sesión vermú a cargo de Estrellamar, xogos populares e inchábeis pola tarde (incluíndo festa da escuma) e pola noite verbena con Estrellamar.
O luns, na honra de San Antonio, recunca coas dianas e alboradas de de Rexoubeiros e ao mediodía, a partir das 13.00 horas, está prevista unha misa solemne na honra de San Antonio. Logo haberá procesión e unha sesión vermú a cargo de DJ Jalaiko. Pola noite, verbena con Unión y Fuerza e a continuación sesión DJ con Planet Disco Móbil e ManuX.
As festas concluirán o martes cunha xornada completa de actividades na honra de Santa Mariña. Logo das dianas e alboradas de Chorimas, da misa e da procesión, haberá sesión vermú con Leite con Jalletas. Pola noite haberá verbena con Los Satélites.
