Boiro acolle este 25 de xullo unha festa de Bailes Tradicionais e pola noite o concerto de América

24 Xullo 2023

Este martes 25 de xullo vainos deparar en Boiro dúas importantes citas culturais. Por unha banda temos a xornada festiva de Bailes Tradicionais que se celebra na praza do Centro Social a partir das 20.00 horas, con actuacións de música e baile galego de tres agrupacións locais: o Grupo de Abanqueiro, o Grupo de Baile e Música Tradicional Xilbarbeira e o Grupo de Baile e Música Tradicional Abeloura.

A maiores e xa pola noite, a partir das 22.00 horas, o Grupo América ofrecerá un concerto no parque da Cachada a partir das 22.00 horas. América é unha histórica banda galega xurdida en Vigo hai xa 45 anos (con 5.000 concertos rexistrados ao longo da súa frutífera e longa traxectoria artística). A interpretación en directo, vocal e instrumentalmente, e unha coidada escolma de repertorio, ademais dun gran esforzo nos medios técnicos, caracterizan a contribución de América de Vigo á tradición de música en vivo sobre os escenarios de múltiples vilas e cidades da xeografía galega e estatal. Neste intre a banda (recentemente renovada con talento novo) atópase mergullada na súa xira On the run.

Outros artigos

Publicidade

Revista en papel

Opinión

“Eurocopa”. Xulio Xiz

“Eurocopa”. Xulio Xiz

Noto o peso dos anos, máis ca fisicamente nas continuas referencias a tempos idos. E non porque xeneralice a bondade do pasado, que moito habería que matizar, senón porque o paso do tempo me vai permitindo comparar situacións que me parecen aberrantes. O deporte –...