A entidade Taller Alecrín vai organizar nos nosos concellos novos obradoiros monográficos de baile durante este verán. Desenvolveranse entre o 15 de xullo e o 4 de agosto. Traballarase cun amplo e variado abano de estilos: linedance, swing, disco-funky, SBK, ritmos latinos e tango arxentino. As actividades formativas levaranse a cabo en Ribeira, Rianxo, Porto do Son e Boiro, grazas á colaboración destes catro concellos. En concreto, desenvolveranse nos seguintes emprazamentos: Restaurante Cascada (Ribeira), Cuartel Vello (Rianxo), Aula de Música de Aguiño (Ribeira), Casa da Cultura de Queiruga (Porto do Son), Centro Sociocomunitario (Pobra do Caramiñal), Centro Social de Oleiros (Ribeira), Casa da Cultura de Portosín (Porto do Son) e A Pousada da Galiza Imaxinaria (Boiro).
No caso de Rianxo, as clases levaranse a cabo no Cuartel Vello en horario de 21.00 a 22.30 horas. O 18 de xullo celebrarase un obradoiro de linedance e o 1 de agosto de salsa, bachata e kizomba. A asistencia é de balde previa inscrición no teléfono de Alecrín 698 150 432.
