A segunda planta do Museo Municipal de Ribeira ten unha nova vitrina permanente: “O vestir dunha elite. Unha viaxe ao século XIX”.
Todos os elementos que compoñen a colección pertenceron á tía avoa de Cristina Borrás, María Eugenia Jáudenes, unha ribeirense membro da aristocracia, a cal mantiña unha estreita relación co rei Alfonso XIII.
O acto inaugural asistiron o alcalde do municipio, Luís Pérez Barral, e a concelleira de cultura, Antía Alberte . Tamén estivo presente Cristina Borrás Paz, a donadora destas pezas, acompañada dos seus familiares: «Ribeira deume un pouquiño e así eu devólvolle outro pouquiño».
«Esta vitrina reflexa un pouco a sociedade de finais do século XIX, unha época na que as clases socias existían e dunha forma moi marcada», explicou o responsable do museo, Miguel Vidal Lojo.
Na nova vitrina pódense atopar elementos de uso cotián feitas de carey, como un calzador, un abrecartas e un peite. Tamén hai apliques, remates de macramé e, mesmo, plumas de marabú.
As pezas máis chamativas son as relacionadas coas saídas a eventos. Un rechamante chaleco aterciopelado con pedrería e plumas conxuntado cun bolso para asistir ao teatro e carnés de baile con incrustaciones douradas.
